"Wöijs'd deine Freind zeing kannsd, dass'd a echda Oberpfälzer bisd."
Öijtz gibds wos ganz neis, wos dei Freind bestimmd nu niad gseang hom. Die weldweid oinzige Oberpfälzer Computer-Dasdadur – as Oberpfälzer Kumbudabredl.
„Strg“, „Alt Gr“ oda „Enter“? Dou kennt se doch koa Sau as. Af‘m Kumbudabredl hoißt‘s dageng „affengriff“, „a bsundas zeich“ oda „bast scho“. Dou woiß‘d glei, wous‘d hidrugn mousst.
Des alles koa Dei neis Kumbudabredl:
Rechna da as, wäij oft dass‘d in dera Wochn am Zoigl gäij kannst
As Oberpfälzer Kumbudabredl is suba modern. Des houd a europäisches Dasdnlayout mit 105 Dasdn. Dou san alle Buchschdabm und Zeichn druam wous‘d brauchsd.
Sogoa a Ziffernblock mid alle Grundrechnartn is dabei. Sua kannst leicht am Kumbuda asrechan, wäij oft dass‘d in dera Wochn nu am Zoigl gäij kannst.
Mid‘n Kumbudabredl kanns‘d sogoa fensterln
Neba da Leerdasdn houd as neie Kumbudabredl a Windows™ Dasdn. Af dera sias‘d an Maßkrouch. Dou macht d‘Oawad Spaß.
Danem houst a Dasdn, mit dera wous‘d sogoa fensterln kannst. Sua wos houd dei alde Dasdadur bestimmt niad.
Jede Dasdn kanns‘d mindestens zwanzg Millionen mal oijchedrugn
Beira Lebnsdauer vo iwa 20.000.000 Bedädigungen pro Dasdn brauchst da koi Gedankn machn, dass döij Dasdadur nix daugt. Mir hom des mal fia di asgrechad: dou koast des Wort „Oberpfalz“ mindestens 2.222.222 mal schreim.
As Kumbudabredl kannst da hirichtn, wäijs‘d as brauchst
Damid da beim schreim dei Händ niad wöij däin, koast da des Kumbudabredl in da Häijch sua hirichtn, wöijs d‘as brauchsd.
Dou koast glei an Weldrekordversuch starten, obs‘d des Wort „Oberpfalz“ 2.222.222 mal schreim kannst. Owa niad dass‘d uns nach deim Weldrekordversuch dann d‘Rechnung vo deim Ordobädn schickst.
Mid deim Kumbudabredl gröijgst Qualität aus der Oberpfalz
Jede Dasdn loud si leicht oichedrugn. Dou glabbert nix und schäbert nix. A die Beschriftung is sua fesd dass‘d as niad oicha graigsd. Des is koi lumbads Glump vom Kinesn oda Jabaner. As Kumbudabredl wiad kombled in da Oberpfalz hergschdelld.
As Kumbudabredl halt a amal a bayerische Broudzeit as
As Kumbudabredl houd die sogenannde „NTK-Dechnologie mid Elastometer-Dasdn und Membran-Kondaktschalder“. Deswegn hald dei neis Oberpfälzer Kumbudabredl leichd a gscheide Broudzeit mit Weißwurscht, Brezn und an Böija as.
Bröijsl vo da Brezn oda a bisserl Böija kinna dere Dasdadur goua nix oahom.
Einesteckn – und scho gäijds lous
Fürs Eirichdn am Kombjuder mousst koi Schbezialist sa. Einfach dei alde Dadadur assteggn und dei niglnoglneis Kumbudabredl oasteggn. Des woas!.
Midm extra langa Kabl kumst iwerall af dein Schreibdiesch hi
As Kumbudabredl houd a extra langs Kabl. Des is 170 cm lang! Dou koast schöij ummananerruggn, ohne dass as Schnäierl zkurz wird. Vo da Gröijß maissats af dein Schreibdiesch a hibassn: ca. 46 x 17 x 4 cm.
Dou gröijgsd wos gscheids – mid zwoa Joua Garandie
Fast höimas vagessn: Zwou Joua Garandie houst fei a nu. Du siast scho, dou gröijgs‘d wirklich wos gscheids.
Des schdaid af da Dasdadur druam
| Zahlen von 1 bis 3 | 1 = oins, 2 = zwoa, 3 = gsuffa (mit Maßkrug) |
| Löschen / Backspace | duas weg |
| Tabulator | vorn umi hind umi |
| Q | Quetschn |
| W | Wou |
| E / € | Erdäpfl |
| R | Ramasuri |
| T | Trampl |
| Z | Zintara |
| I | I mog di |
| O | Oichkatzl |
| P | Pfeifn |
| Eingabetaste / Enter | basst scho |
| A | Alte |
| S | Stodara |
| D | Doutschn |
| F | Fruatschn |
| G | Gnoschbeitl |
| H | Himmelbäzerl |
| L | Leberkas |
| X | Xare |
| B | Biesgurgn |
| N | Noigerl |
| M | Michad |
| Sondertasten | |
| Escape | Haberdere |
| Leertaste | Wia samma = Guad samma |
| Umschalttaste | Grous schreim |
| Feststelltaste | weida grous schreim |
| Strg | affengriff |
| Windows-Taste | Maßkrug |
| Alt | Anders rum |
| Alt Gr | A bsundas zeich |
| Sondertaste / Bearbeitungstaste | gemma Fensteln |
| Druck / S-Abf | Drugn |
| Rollen | Roin |
| Pause / Untbr | A rua is |
| Einfg | Eini |
| Pos 1 | zerst |
| Bild nach oben | Büdl aufi |
| Bild nach unten | Büdl undi |
| Entf | duas weg |
| Ende | am End |
| Pfeiltasten | |
| Pfeil nach oben | Aufi |
| Pfeil nach unten | Unti |
| Pfeil nach links | Umi |
| Pfeil nach rechts | Iwi |
| Nummernblock | |
| Num | Numa |
| / (geteilt) | Teil'n |
| x (mal) | Mol nemma |
| - (minus) | Wenga |
| 7 / Pos 1 | Zerst |
| 9 / Bild nach oben | Büdl aufi |
| 3 / Bild nach unten | Büdl undi |
| + (plus) | Manera |
Das'D wos sigst, mousst blous mid da Maus ibers Kumbudabredl driwafoan:
As Oberpfälzer Kumbudabredl giz in folgende Versionen:
Du koanst Dei Kumbudabredl in schwoaz oda in grau hom.
Ahschlöijßn kannst'D as an jedem Kumbuda, egal obs'D a Noudbuk houst oda an ganz normaler Kumbuder. Es gid zwoa verschiedene Schtegger:
Wenns'D niad woißt, wos bei Dir basst koast eigentlich imma Dai Dasdadur mid USB nemma, solangs'D niad an Kumbuda vo Neizerhunertvormgraich houst. Doch as beste is, Du schaust a mal nou wäij der Schtegger vo Deiner aldn Dasdaur asschaud.